Sanaysay tungkol sa Pilipinas sa 2063

Ang Pilipinas sa 2063

          2063 na sa Pilipinas ngunit wala pa ring pagbabago. Marami pa rin ang mahirap at naghihirap. Bakit kaya hindi umuunlad ang Pilipinas? Buti sana ay noong binata pa ako ay lumipat na lang ako sa ibang bansa, kung ginawa ko yun ay hindi sana ako naghihirap ngayon. Ang swerte ng aking mga kaklase noong High School pa kame, nakapagpunta na sila sa abroad. Bakit kaya pareho lang ang Pilipinas noon 2013. 50 taon na ang lumipas ngunit pareho pa rin. Ano kaya ang dahilan kung bakit marami pa rin ang mahirap?

          Ang kahirapan ang isa sa mga mabibigat ng problema ng ating bansa. Madalas nating sisihin ang maling pamamalakad ng mga pinuno ng bansa, pero sila nga ba ang may kasalanan o tayong mga Pilipino na tamad? Sabi nga nila, “Katamaran ay katumbas ng Kahirapan”, tama sila, at tama rin naman ang mga taong nagsasabing nasa gobyerno ang pagkakamali. Sinasabi ng karamihan, kaya sila naghihirap ay sa kadahilanang wala silang trabaho, pero ang totoo, maraming trabahong nakalaan, mapili lang talaga ang mga Pilipino. Pero hindi rin natin sila masisisi, mas pipiliin pa nilang maupo na lang sa isang tabi at manghingi ng limos kaysa magpakapagod sa napakabigat na trabaho at kumita ng isang daang piso sa isang araw, pero sa kadahilanang ito, pinapakita lang natin na tayo ay tamad, pinakadahilan ng kahirapan. Pangalawa sa mga dahilan ay ang maling gawain ng mga pinuno ng ating bansa, ang pagbubulsa sa kaban ng bayan. Ang mga pondo na para sa pagpapaunlad ng buhay ng mga mahihirap ay ginagamit ng mga pulitiko para sa sarili nilang interes. Sapat ang sweldo ng mga pinuno ng ating bansa, ang totoo ay sobra-sobra pa ito para bumuhay ng isang pamilya, pero patuloy pa rin sila sa maling gawain nila. Kamakailan lang ay sinabi na umaangat na ang ekonomiya ng ating bansa, pero wala kahit isa ang nakaramdam nito. Kailangan pa ring pumila ng matagal para lang makabili ng NFA Rice, mataas pa rin ang singil sa gasolina, sa kuryente at halos sa lahat ng bilihin, hindi kasya ang sweldo ng isang empleyado lamang. Dahil sa maling gawain ng mga pulitiko, mga simpleng mamamayan ang naaapektuhan, dahil mas pinipili nilang ibulsa ang malaking pondong pangkahirapan kaysa idagdag sa sweldo ng mga empleyado, isang malaking kamalian sa parte ng mga pinuno. Pangatlo sa mga kadahilanan ay ang pagiging iresponsable ng mga Pilipino, o ang kawalan ng paninindigan. Kung magiging responsible lamang ang mga magulang ng mga batang kalye ay malamang walang pakalat-kalat na bata ngayon sa lansangan, walang uhuging bata na nanghihingi na limos, at walang kaawa-awang mga mukha ng mga gutom na bata ang makikita natin. Kung pinagaaral lamang sila ng kanilang magulang, malamang ay magkakaroon sila ng magandang kinabukasan. Bumabalik nanaman dito ang kadahilanang wala silang trabaho, pero may mga programa ang ating pamahalaan, maging ang local, para sa libreng pagaaral, pero mukhang hindi nauubusan ng dahilan ang Pilipino kung bakit hindi sila nakaka-pagaral, at ibabalik nanaman ang sisi sa gobyerno. Ang katotohanan ay, tayo mismo ang dahilan ng ating paghihirap, tayong mga mamamayan ng bansa natin. Kung sisimulan natin ang pagbabago sa sarili natin, malamang ay mababagao rin natin ang antas ng ating pamumuhay, pinuno ka man o simpleng mamamayan ay dapat magbago para sa ikauunlad nating lahat.

          Ang Pilipinas rin ay mas marumi na ngayon. Mas marami nang basura kaysa ngayon at mas marumi na ang hangin, lupa at ang tubig. Ang akala ko ba gingawa na ng mga Siyentipiko ang kanilang trabaho na malutas ang problema ng polusyon sa ating mundo. Mas maiinit na at halos palagi na lang naka-aircon ang bahay ko. Wala nang tumutubong mga halaman. Konti na lamang ang mapagkainan at inumin. Ang hirap hirap na dito sa Pilipinas. Konti na lang mga lugar dito sa Pilipinas na preserved at hindi pa polluted.

          Kaya kailangan lahat ng mga mamamayan ng Pilipinas ay sumikap at huwag na maging  tamad. Huwag na tayong umasa na ang gobyerno ang lulutas sa lahat ng ating mga problema at suliranin. May kasabihan na “Nagsisimula ito sa sarili.” Tama ito at dapat gawin ito. Hindi ko lang alam kung sundin ito ng mga Pilipino ay uunlad pa ba ang Pilipinas. Kaya Let us all help each other upang umunlad na ang ating bansa at malutas na ang mga problema sa ekonomiya, kapaligiran at iba pa.